टीकापुर नगरपालिकामा यहाँलाई स्वागत छ

टिकापुर नगरपालिकाको संक्षिप्त परिचय

नेपालको सुदूर पश्चिमान्चल विकास क्षेत्र अन्तर्गत पर्ने सेती अंचल, कैलाली जिल्लाको पुर्बी भागमा पर्ने यो ठाउं महेन्द्र राजमार्ग  देखि १४ कि.मि. दक्षिण पट्टि, भारतको सिमाना देखि १४ कि.मि उत्तर तर्फ कर्णाली नदीको पश्चिमि तटमा अवस्थित छ| प्रजातन्त्र पुनस्थापना पश्चात नगरोन्मुख गा.बि.स., गा.बि.स. हुँदै २०५३ साल माघ १७ गते एकै पटक घोषणा भएका १५ वटा नगरपालिका मध्येको एक हो भने हाल २०७३ साल फाल्गुन २७ गतेको मन्त्रिपरिषद्को निर्णय बमोजिम साबिक टीकापुर नगरपालिका, नारायणपुर र धनसिंहपुर गा.बि.स. एकै ठाउंमा गाभिन गई हालको बृहत् टीकापुर नगरपालिकाको स्थापना भएको हो |

घना जंगल भएको यस क्षेत्रमा बस्ति बस्ने क्रममा यहाँका बस्तीहरु टिका जस्तै गरि गोलाकार रुपमा बसेकोले यस ठाउँको नाम टीकापुर रहन गएको भन्ने भनाइ छ भने अर्को भनाइ अनुसार बस्ति बस्ने क्रममा जंगल फडानीको कार्य दशैंको टिकाको दिनदेखि प्रारम्भ गरिएकोले यस ठाउँको नाम टीकापुर रहन गएको भन्ने भनाइ छ|

टिकापुर सिमाना

पूर्वमा कर्णाली नदि र बर्दिया जिल्ला,पश्चिममा भजनी नगरपालिका ,उत्तरमा जानकी गाउँपालिका र दक्षिणमा मोहना नदि,भारत सिमाना पर्छ ।

सडकको स्थिति :

सडक:(आ.व. ०७३/०७४ को चैत्र मसान्त सम्मको  अध्यावाधिक  विवरण )

कालोपत्रे सडक : ३१.५३ कि.मि .,ग्राभेल  सडक: ८८.९६ कि.मि., सडक मर्मत :७७.६६ कि.मि., पुल तथा कल्भर्ट : ९१.०० वटा

पक्कि पुल :४ वटा ( मोहना नदि १,मौरनियामा १ वटा ) , पक्कि ढल : ४७७०.०० मिटर